Вясёлка дзяцінства ў Карэлічах

91

Лета цудоўная пара для дзятвы (клопаты для дарослых, як арганізаваць дасуг дзіцяці)… І тут як заўжды на дапамогу бацькам прыходзяць  культурныя і спартыўныя ўстановы Карэліччыны - амаль кожны дзень свята.

А пачаліся канікулы так… 31 чэрвеня на плошчы ў Карэлічах ладзілася святочная імпрэза, якая прысвячалася Міжнароднаму дню абароны дзяцей пад назвай “Радуга детства”. Клубнікі, бібліятэкары, музыканты, супрацоўнікі раённай газеты “Полымя” і спартсмены (а гэта ўсе члены Беларускага прафсаюза работнікаў культуры, інфармацыі, спорта і турызма) прапанавалі як дзецям, так і дарослым цудоўную, насычаную праграму. Ад мясцовага Дома культуры і дзіцячай школы мастацтваў - музычныя нумары, конкурсныя праграмы, маленькім моднікам і модніцам – аквагрым; ад раённай бібліятэкі - інтэрактыўная пляцоўка з дзіцячай горкай, качэлямі, сухім басейнам,канструктарам “Лега”, настольнымі гульнямі, лэпбукам “Мой родны кут”і цікавымі кнігамі. Мясцовыя карэспандэнты фатаграфавалі, а затым  асвятлялі мерапрыемства ў друку; супрацоўнікі спартыўнай школы прапанавалі спартыўныя гульні і спаборнітвы на стадыёне “Юнацкасць”. І гэта толькі пачатак…

Не абышлося і без узнагарод. Лепшыя чытачы бібліятэкі, удзельнікі клубных мерапрыемстваў і выпускнікі дзіцячай школы са сцэны ўзнагароджаны Ганаровымі граматамі, Падзячнасцямі і падарункамі.

На працягу ўсяго свята працавала сувенірная лаўка і бяспройгрышная латарэя, прадаваўся папкорн і салодкая вата.

Усё для дзяцей, усё дзеля дзяцей…

 

Наталля Казарэз,
старшыня Карэліцкага райкома прафсаюза
работнікаў культуры, інфармацыі,
спорту і турызму.

Наши контакты

Наш адрес

230023, Республика Беларусь, г. Гродно, ул. Советская, 4

+375 (152) 62-42-11 (тел/факс)

okkultury@tut.by

Время работы

Пн-чт: 08.30 - 17.00

Пт: 08.30 - 16.10

Сб-вс: выходной

Нажимая кнопку "Отправить" вы принимаете условия Политики обработки персональных данных.