Каманда бібліобуса Навагрудскай раённай бібліятэкі сумесна з аддзелам па пазастацыянарным абслугоўванні Навагрудскага раённага цэнтра культуры і народнай творчасці адправіліся павіншаваць з надыходзячым святам дарагіх жанчын
6 сакавіка каманда бібліобуса Навагрудскай раённай бібліятэкі сумесна з аддзелам па пазастацыянарным абслугоўванні Навагрудскага раённага цэнтра культуры і народнай творчасці адправіліся па маршруце ў аддаленыя вёскі Зенявічы, Марцулі, Пліса1, Пліса2, Ляхавічы2, Ляхавічы1, каб павіншаваць з надыходзячым святам дарагіх жанчын. Бібліятэкары зладзілі для сваіх чытачак святочную віншаванку “Кніжны букет – да 8 сакавіка”. Гучалі шчырыя словы віншаванняў з прыгожым вясновым святам, уручаліся святочныя паштоўкі і салодкія пачастункі, а з кніжнага букета кожная жанчына выбрала цікавыя выданні і часопісы на свой густ.
У падарунак жанчынам прагучалі цудоўныя песні.