ГРОДНЕНСКАЯ ОБЛАСТНАЯ ОРГАНИЗАЦИЯ БЕЛОРУССКОГО ПРОФСОЮЗА РАБОТНИКОВ КУЛЬТУРЫ, ИНФОРМАЦИИ, СПОРТА И ТУРИЗМА
15 апреля 2024 года

“Гісторыя на стагоддзі”

165

Пад такой назвай у Дзятлаўскім раённым цэнтры культуры і народнай творчасці прайшоў святочны канцэрт, прымеркаваны да Дня Кастрычніцкай рэвалюцыі.

Пра вялікую эпоху вялікай краіны, якая “нарадзілася” пасля рэвалюцыйных падзей, удзельнікам свята нагадала тэматычная выстава ў фае, экспазіцыі якой падрыхтавалі супрацоўнікі Дзятлаўскага гісторыка-краязнаўчага музея і раённай бібліятэкі.

Вядучыя ўрачыстасці Анастасія Голуб і Чэслаў Свіб адзначылі, што Кастрычніцкая рэвалюцыя была свядомым выбарам пакаленняў і вызначальнай вехай стварэння беларускай дзяржаўнасці на сучасным этапе, паколькі менавіта бальшавікамі быў зацверджаны Дэкрэт аб праве народаў на самавызначэнне. На Кастрычніцкую рэвалюцыю народы, якія насялялі тэрыторыю тагачаснай Расійскай імперыі, усклалі свае надзеі на спыненне Першай сусветнай вайны і дасягненне міру на справядлівых умовах. Рэвалюцыя сапраўды дала людзям сацыяльныя правы і гарантыі, роўнасць, 8-гадзінны рабочы дзень, упэўненасць у будучыні і многае іншае. Вопыт 1917 года навучыў нас імкнуцца да лепшага, стараннай працай будаваць высокаразвітую, сучасную, дэмакратычную дзяржаву, галоўная мэта якой – паляпшэнне жыцця грамадзян.

З нагоды свята музычныя віншаванні гледачам падарылі Аляксандр Баклушын, Андрэй Добыш, Таццяна Шостка, Сяргей Малышчык, Тамара Ступак, Іван Кашко, Алена Касцюк, Ала Чарняўская, Таццяна Дудкіна.

 

Ірына СТЫРНІК

http://diatlovonews.by